Sevsəm də nazından doymuşam cana,
Əzabın bağrımı döndərib qana.
Bu ki, sən deyilsən, girmisən dona.
Adını qəlbimdən silməyim gəlir.
Bezmişəm bu acı kədər əlindən,
Naz deyə verdiyin zəhər əlindən.
Artıq boğulmuşam qəhər əlindən,
Yaşaya yaşaya ölməyim gəlir.
Cəksən də bu qədər dağı sən mənə,
Əksinə ürəyim bağlanır sənə.
Sağım sən, solum eşq, olub məngənə,
Özümün özümə gülməyim gəlir.
Bilirəm sevirsən,amma qacırsan,
Sinəmdə sağalmaz yara açırsan .
Nə ücün yetimi oda atırsan?...
Fikrini dərindən bilməyim gəlir.
|